投稿一覽 > 討論內容
答友問
日期:2016/04/07 13:08
留言者:Hawaiian

香港老友來電,除了慣性談波談馬外,就是最近的熱門話題之一的"港獨".老友問如何睇法,個人覺得我們彼此之間不值得花時間去討論.這是比"假如你中了六合彩頭獎,將會如何"更戇居.中頭獎都還有千萬分一的一線機會,而香港獨立機會係零,拿出來討論做乜?簡直係浪費時間.
首先香港根本冇條件獨立,最簡單係內地切斷對港食水供應,你就唔掂,更不用談其他了.或者話食物可以從別處運來,使唔使經過中國的領空領海呀?
其次有幾多個香港人會聽你支笛先?獨立後有乜好處?有乜蚍?港人向來精明,係唔係保證每人都可以月入十萬?一旦內地斷水斷糧,唔使三日必大亂,民怨如火山,你斑友仔想搵地方匿都幾難.
或說獨立後可以有民主,人民有自主權.講就係咁講,你講起來就好聽囉.一旦掌了權,係唔係咁順攤先?有幾多個華盛頓,孫中山?你睇下最近那個緬甸女人就心寒,之前咪係打住民主旗號,一旦上場差不多所有權力都要獨攬,正向邊條路行呢?這是東方大多數國家的通病.
其實搞港獨斑友人數不多,大多數是食爺飯穿乸衣一類,入世未深,思想單純,整日活在虛無的幻想中.把虛無的假像當做現實,這是名副其實的引火焚身.他們以為讀多咗幾本書,眼界比人寬闊.其實好多都係未經實踐的理論.加上被幕後人(一定有)慫恿,甘願做爛頭蟀,真係唔識死可悲可哀的一類.那些替他們粉飾裝扮的人,如大學教授,講師,律師,政客....等,目的係乜?三個字"搵蚍!"如果叫這斑人去打頭陣,睇下佢斑友肯唔肯?
爭取獨立用把口講下,可以話係言論自由.但一旦付之行動,那就是分裂國家的叛國行為,無論在任何國家都是不能寬恕的罪行.朝廷會點處理呢?就算唔判死刑也是死緩,你想去秦城監獄嘆世界,發夢啦!北大荒冰天雪地的荒蕪之地,你就有份去"享受".唔好以為國際有人聲援支持,金小三殺咗幾多手下?連姑丈張成澤也難逃辣手.你見國際有人出聲嗎?正式牙關都唔敢郁一下.
就算有幸被你流放到外國,就斷定玩完,前途似咁.睇下被流放出去的民運分子,起初係威係勢以為大有所為.現在呢,搞得乜出樣,有幾多個會令人想得起?搞民運還有個口號是爭取自由民主,尚有點市場.搞港獨除了身邊幾個之外,相信冇乜人會認同.
再睇下達賴喇嘛,你斑友能同達賴喇嘛比嗎?佢有民望,有經濟實力為基礎.也是在外國飄飄浮浮幾十年,搞到啲乜?除咗同朝廷間中打下口水戰,令人想起佢之外,又有乜作為?肯定係老死他鄉.你以為國際上有人聲援佢咩?其實佢係人家一張牌.據說當年老毛係有意放佢出走,現在看來真係高招.如果當時將佢殺咗,肯定激起藏民的怒火.將佢囚禁,佢在西藏的影響力甚大,一定惹來不斷的麻煩.現任佢在外自生自滅,至多大家鬥下嘴.
真替斑後生仔的父母唔抵,咁多心血供書教學,希望學有所成.點知仔女不但自掘墳墓,簡直係引火焚身,會唔會連累家人還是未知之數.咁搏到乜?只是幾個人之口中的鬥士先烈而己,代價大不大?
另一話題,那些打蚨護本土利益的人,把口號叫得震天響,對內地來客口手並用.內地人係有千般不是,也有很多令人討厭的行為,但到底多多少少都有些血緣關係.同時被香港帶來一些經濟效益.反之令香港頭痛不堪的假難民,不止為禍香港,而且要花費大量金錢在他們身上,據報有四十幾億了,條數唔係嘢少.香港得到乜好處?冇喎!但那些口口聲聲維護本土利益的人,就靜如深海粒聲都冇,莫講話叫佢付之行動了.點解?可能佢地係有假難民國血緣的雜種,名副其實的搞屎棍.掛羊頭賣狗肉,從中撈取利益就真.
又:
點解個黃毛小子唔敢接受何柱國的挑戰?原因好簡單,佢真正係何口中的白痴仔.

修正或封鎖

Page: [1] < 回上一頁

Re: 答友問 ( No.1 )
日期:2016/04/07 12:23
留言者:Peter

(好!) (好!) (好!)

修正或刪除

Re: 答友問 ( No.2 )
日期:2016/04/08 04:13
留言者:諾基亞

老夏兄,你睇下呢鋪暴動罪十個人放左九個,其中大多數係頭目,放之何益?真係要落佢罪,律政真係一的料都刮唔到?似乎有點內情。今日睇電視,見到班友囂張沙塵步出法庭,已幾乎肯定香港之亂,必持久曠日。

修正或刪除

Re: 答友問 ( No.3 )
日期:2016/04/08 07:38
留言者:Hawaiian

同意.
一句講晒:政府無能,長期積弱.
國之將亡,必有妖孽.香港真係氣數己盡?
(沉思) (沉思) (沉思)
但想落有點蹺蹊,朝廷是否欲擒先縱?等佢成為氣候,所謂養肥先劏,到時出師有名一舉撲滅.

修正或刪除

Re: 答友問 ( No.4 )
日期:2016/04/08 11:34
留言者:路過

觀乎香港能否獨立的論述,是基於獨立後香港与中國必定會成為敵對的局面,而作出中國必會對香港進行封鎖的推斷。

我的看法是若假以時日,中國的政制轉變為更開放,獨立一事並非無可能,況且獨立後的香港或會和中國是非常友好的關係。

不過,有點矛盾的是,若中國趨向更民主,則要求港獨的呼聲又會減少。

(沉思)

世事真很難預計,歷史上的大事很多時都在一瞬間發生:

1910年,無人想得到清政府會在第二年倒台

1989年,無人想得到蘇共會在第二年解散,成為非法組織
(大笑)

其實有無可能參考澳洲、加拿大等的做法,有完全獨立的政府,但仍以中國元首作位獨立後的香港的最高領導人? (沉思)

修正或刪除

Re: 答友問 ( No.5 )
日期:2016/04/10 01:43
留言者:Hawaiian

一個地方想脫離本來的國家獨立,必須要有多方面條件.其一是絕大多數的人民有獨立意向,其二有強大的外來勢力支持.最重要是,本來國家的政府被迫或自願同意.外蒙就是一例,實際上己被蘇聯控制,而中共當時又向蘇聯一面倒,故能成事.否則國民政府雖積弱也不承認,至今中華民國的地圖還包括外蒙在內.
香港要獨立,全無這些條件.如果港人問,喂!大佬!請告訴我們獨立後如何生活先.無論做中國人也好,做香港人也好,無非都是希望安居樂業,生活穩定質素不斷提高.千祈咪將港人當作你的理想試驗品,搞成一鑊泡.其次相信冇邊個國家敢正面出頭做架樑.最重要的是,中國政府是個強勢政府.假如台灣一旦宣布獨立,就會不惜代價兵戎相見.台灣尚且不能,香港宥A條件講呢?如果希望獨立後的香港,或會和中國是非常友好的關係,這簡直是妙想天開.
其實莫講話香港係中國領土,在中國掌控之中.就算香港係一個國家,處在強鄰之側,得個鼻屎咁大,分分恕蒆Q人吞併啦.錫金比香港大,現在咪成為了印度一個邦.
清朝覆滅和蘇聯解體,非突然在一朝一夕發生的事,是有蹟可尋.晚清國家積弱,差不多被列強瓜分,孫中山領導的革命活動己蔓延全國,時機一成熟,那有不滅亡之理.蘇聯解體歸功於戈巴卓夫和葉利欽兩人,一裡一外合力把蘇聯解體.這兩樁事己有很多歷史文獻講述,並非突發事件.
如果畀香港好似澳洲加拿大咁組成聯邦,西藏,新疆,東三省.....等等,個個省有樣學樣,咁中央咪變成冇爪蟛蜞?而各省為爭奪資源必起戰事,到時唔係七國咁亂,係廿幾三十國咁亂,非人民之福.

修正或刪除

Re: 答友問 ( No.6 )
日期:2016/04/20 09:29
留言者:Hawaiian

老友又問,近排有年青人組黨,話在九月去參選立法會.當選的機會如何?Hawaiian覺得他們入選機會不大,其政綱是否有市場是個疑問,成不成氣候呢.但姑無論他們的政綱如何,Hawaiian懷疑其參選是另有目的.以小人之心度之,一旦當選議員,月薪好似有十幾萬.呢斑剛讀完書出來或讀書不成的友仔,就算搵到份工,人工有幾多?所以覺得呢斑友一如Hawaiian買馬一樣,橫掂都係,點解唔買九十九倍冷門搏下?
(大笑) (大笑) (大笑)

修正或刪除

Re: 答友問 ( No.7 )
日期:2016/04/24 01:23
留言者:過路

唉!師長都話講港獨、哂精神哂時間!多D想下民生問題重好喎! (表情23)

修正或刪除

Re: 答友問 ( No.8 )
日期:2016/08/14 09:57
留言者:Hawaiian

唔 係 Hawaiian有 先 見 之 明, 因 為 自 已 賭 咗 幾 十 年 馬, 乜 方 法 都 用 過 ,咁 唔 得 咩 又 變 下 第 二 樣 ,總 之 萬 變 不 離 其 宗 ,想 贏 錢 ,希 望 以 小 搏 大 .
在 No.6己 學 閻 惜 嬌 話 齋 :"識 穿 你 嗰 籠 嘢 嘞!" 你 睇 近 日 呢 斑 大 帝 ,為 咗 入 閘 搏 份 高 薪 厚 祿 H 工 ,不 惜 變 臉 比 川 劇 還 快, 乜 都 U 得 出 ,將 昨 日 所 講 H 嘢 全 部 否 定 .如 此 冇 口 齒 無 誠 信 的 人 ,有 人 相 信 嗎 ?呢 斑 友 係 讀 過 好 多 書 喎 ,真 係 讀 屎 片 好 過. 只 懂 文 過 飾 非 , 一 個 普 通 的 手 作 仔 比 其 還 有 信 用 得 多 .

修正或刪除

Page: [1] < 回上一頁

主題 排列前端
姓名
你的電郵地址
你的網址
現在心情 *心情圖片預覽表 ( 如選擇 "自定心情",請於下一行輸入該圖片網址 )
自定心情圖片網址 :
留言密碼 (刪除或修改留言使用)
內容 (歡笑) (微笑) (大哭) (表情4) (大笑) (表情6) (表情7) (好!) (拍掌) (沉思) (表情11) (表情12) (表情13) (表情14) (表情15) (表情16) (表情17) (表情18) (表情19) (表情20) (表情21) (表情22) (表情23) (表情24) (表情25) (表情26) (表情27) (表情28) (表情29) (表情30) (表情31) (表情32) (表情33) (表情34) (表情35) (表情36) (表情37) (表情38) (表情39) (表情40) (表情41) (表情42) (喜悅) (滿意) (忍笑) (狂笑) (冷酷) (淺笑) (迷茫) (憂愁) (自傲) (驚訝) (大喊) (哭泣) (憤怒) (困惑) (蠱惑) (閉嘴)

   Cookie 保存


- 阿立粵曲天地 -

聲明
阿立粵曲天地(以下稱本網)所有留言區是以即時上載留言的方式運作,本網對所有留言的真實性、完整性及立場,不負任何法律責任。而一切留言之言論只代表留言者個人意見,並非本網之立場,讀者不應信賴內容,並應自行判斷內容之真實性,讀者若因信賴留言而招致任何損失,本網概不負責。 由於所有留言區受到「即時上載留言」運作方式所規限,故不能完全監察所有留言,若讀者發現有留言出現問題或涉及任何侵權行為,請聯絡本網。本網有權刪除任何留言及拒絕任何人士上載留言,同時亦有不刪除留言的權利。切勿撰寫粗言穢語、誹謗、渲染色情暴力或人身攻擊的言論,亦不可上載任何侵權文章,照片,曲詞,錄音及影片,敬請自律。