投稿一覽 > 討論內容
你估救唔救得到呢?
日期:2015/02/03 09:34
留言者:Hawaiian



【本報訊】亞視等待打救露曙光,不過並非白武士,而是玄學家李居明率先伸出援手以風水救亞視,主持新節目《李居明妙論天下》。李居明昨在啟播禮上點出亞視長期低迷的原因,與亞視廠房風水有關。
李居明昨稱,亞視近日發生的風波「罪不在亞視,在亞視搬入大埔呢幅係清涼地,係寺廟風水,係骨灰(龕),骨灰(龕)起亞視,我問你點做?」李居明指,亞視有二十大凶,連廁所座向也成亞視瀕危元凶,「位於西北皇帝位𠵱家動土,而亞視全部女廁都喺西北位,咪即係女人成日喺皇帝頭上大小二便」。
亞視執董葉家寶指,李居明是他四十一年的舊同學,感謝對方出手相助。李居明表示今次主持節目不收分文,「若果今(昨)日唔係葉家寶坐喺度,我會起身(走)」。他自稱是「醫生」,直言很多朋友叫他任由亞視自生自滅,但他認為醫生遇到垂死病人一樣會去醫治,故出手看看亞視「有冇得醫」,他表示連節目口號都想好,「因為睇大師,破例睇亞視」。
升白旗「投降」

不過,亞視昨在大埔廠房停車場舉行的節目啟播禮仍有發生諸事不順的小插曲。李居明指出亞視有旗杆,應該升旗,未幾工作人員升旗後,李即搖頭說︰「點解(支旗)會係白色?白色係代表投降,亞視要水(即「財」)應該係藍色同綠色,要再搞搞佢。」當一眾高層與嘉賓進行拜神儀式時,蠟燭先後三次熄滅。
■記者韓耀庭

修正或封鎖

Page: [1] < 回上一頁

Re: 你估救唔救得到呢? ( No.1 )
日期:2015/02/04 01:45
留言者:Hawaiian

相信都幾難,既然佢睇得出病源所在,點解唔動手醫呢?一個到咗癌症末期的,你同佢在表面搽點藥油,有幾大效果?

修正或刪除

Re: 你估救唔救得到呢? ( No.2 )
日期:2015/02/04 11:45
留言者:諾基亞

佢今日重要登報紙道歉添。等佢成日「狠批」丫拿… (表情23) (表情23) (表情23) (表情23)

修正或刪除

Re: 你估救唔救得到呢? ( No.3 )
日期:2015/02/04 11:51
留言者:諾基亞

非常好的比喻

好多人想亞視死,我其實對亞視都好失望,不斷重播已經夠衰,重要亂咁改播出時間,一間提前半個鐘.一陣又取消播放。當的觀眾波咁踢。之前播韓劇好地地八點半,為左個套九十幾年前老土殭屍,夾硬提前一個鐘播,唔係諗住真係炒冷飯好食過蒸鮮魚下話?咁又點?佢死左,重要頂硬上睇無線高登化的新閱,吳景進登眉突眼。唉••••

修正或刪除

Re: 你估救唔救得到呢? ( No.4 )
日期:2015/02/04 15:24
留言者:Hawaiian

所以話呢,大師係好易做.出來噏幾句,撞中可揚名財源滾滾,唔中唔使負責任,起碼曝咗光多點知名度.
有時有此衝動,想同大師比賽下,預測下羊年會發生的事.睇下不學無術嘅Hawaiian準,還是大師準.反正輸咗冇責任,一如賽馬貼士.
不過Hawaiian有信心贏,因為有成績可尋,估中佔中在聖誕前結朿.之前冇一個大師肯出來預測下,所以被Hawaiian獨家貼中.
唔信呀?可在立網翻查紀錄.
不能用模稜兩可的說話,要實牙實齒.
想落幾好玩,重好過賽馬預測.哈哈!!!!! (表情23) (表情23) (表情23) (表情23) (表情23)

修正或刪除

Re: 你估救唔救得到呢? ( No.5 )
日期:2015/03/26 17:47
留言者:Hawaiian

新聞話,王征接受內地傳媒訪問,話亞視氣數己盡,本月尾會關門.相信唔會咁快啩?
其實亞視有些節目個人覺得唔錯,如"尋找他鄉的故事","芳草尋源","由香港出發".....等等,可能香港人喜歡睇劇集啦,呢啲唔啱口味.
不過有啲嘢唔應錯,節目預告粵劇"錢塘金粉",花旦係蔣文瑞,字幕係咁寫,連報幕聲也是蔣文瑞,好彩有幅相,否則以為係新人.
又,上星期看李居明戲寶之一的情?蘇東波,個人覺得曲詞好似勉強堆砌(或者係個人能力理解問題),而劇情又好似好兒戲,所以看了兩場就關機了.

修正或刪除

Re: 你估救唔救得到呢? ( No.6 )
日期:2015/04/02 13:17
留言者:路過

雖然表面上不獲續牌,但會不會峰回路轉?

捱不捱到未來一年? (沉思)

修正或刪除

Re: 你估救唔救得到呢? ( No.7 )
日期:2015/04/03 04:55
留言者:Hawaiian

相信都好難咯.如果有牌嘅話或者有一線希望,有邊個肯出錢去買一個冇牌嘅嘢?政府己經宣布佢死刑,邊有彎轉.亞視好似送入咗善終屋Hospice,睇下幾時拔喉啫.希望啲大師發功,令到可以頂到明年三月尾啦.

修正或刪除

Re: 你估救唔救得到呢? ( No.8 )
日期:2016/03/04 14:15
留言者:Hawaiian

看無線轉播亞視記者招待會,個女人侃侃而談,大談前景發展如何如何,並當場播出啲計劃影片,重展示咗一箱五百萬現金和一張支票.
手痕轉去亞視本港台一看,!自已公司咁大件事竟然冇得轉播!講鬼咩,伙記走得七七八八,搵邊個做嘢?連咁H事都做唔到,重講乜鬼前景計劃呀.

修正或刪除

Page: [1] < 回上一頁

主題 排列前端
姓名
你的電郵地址
你的網址
現在心情 *心情圖片預覽表 ( 如選擇 "自定心情",請於下一行輸入該圖片網址 )
自定心情圖片網址 :
留言密碼 (刪除或修改留言使用)
內容 (歡笑) (微笑) (大哭) (表情4) (大笑) (表情6) (表情7) (好!) (拍掌) (沉思) (表情11) (表情12) (表情13) (表情14) (表情15) (表情16) (表情17) (表情18) (表情19) (表情20) (表情21) (表情22) (表情23) (表情24) (表情25) (表情26) (表情27) (表情28) (表情29) (表情30) (表情31) (表情32) (表情33) (表情34) (表情35) (表情36) (表情37) (表情38) (表情39) (表情40) (表情41) (表情42) (喜悅) (滿意) (忍笑) (狂笑) (冷酷) (淺笑) (迷茫) (憂愁) (自傲) (驚訝) (大喊) (哭泣) (憤怒) (困惑) (蠱惑) (閉嘴)

   Cookie 保存


- 阿立粵曲天地 -

聲明
阿立粵曲天地(以下稱本網)所有留言區是以即時上載留言的方式運作,本網對所有留言的真實性、完整性及立場,不負任何法律責任。而一切留言之言論只代表留言者個人意見,並非本網之立場,讀者不應信賴內容,並應自行判斷內容之真實性,讀者若因信賴留言而招致任何損失,本網概不負責。 由於所有留言區受到「即時上載留言」運作方式所規限,故不能完全監察所有留言,若讀者發現有留言出現問題或涉及任何侵權行為,請聯絡本網。本網有權刪除任何留言及拒絕任何人士上載留言,同時亦有不刪除留言的權利。切勿撰寫粗言穢語、誹謗、渲染色情暴力或人身攻擊的言論,亦不可上載任何侵權文章,照片,曲詞,錄音及影片,敬請自律。