投稿一覽 > 討論內容
嘆世界
日期:2016/01/03 11:04
留言者:公子

嘆世界

修正或封鎖

Page: [1] < 回上一頁

Re: 怕老婆會發達 ( No.1 )
日期:2013/06/03 12:13
留言者:Hawaiian

“怕老婆會發達”,這句說話流傳了很久,到底是否事實呢?個人覺得是句調侃說話多一些,或者是一些人自我解嘲的阿Q.在世上混了不少日子,所謂”死就一世,唔死就大半世.”見過怕老婆的人不少,現在身邊亦有不少.因此發達的人倒未曾見過,反之可憐蟲就見過.
某甲姓李,人稱其為”小李子”,因其蠻妻如西太后.其說一,你不能說一又二分一,莫講係二.如小李子喜歡買一件藍色的衣服,但太后話”不!你要穿紅色.”結果買了紅色.兩公婆去飲茶,小李子從不敢先叫點心.要等太后先叫,如佢食了一口不喜歡,就推向小李子下命令:”你食咗佢!”和小李子約咗時間都冇用,經常甩底.太后心血來潮話,我要去某處.理得你約了誰人,小李子不敢不從,陪其左右.凡是認識小李子的人都知道.有次更離譜,大庭廣眾斥罵小李子.及後小李子問其女,你媽咪到底鬧我乜?女答,佢鬧從前現在未來的錯呀.
某乙亦姓李,三十多年前回鄉娶得妻子.本以為享受下家庭生活,誰知娶得惡婦一名.經常受皮肉之苦,有次被歐至眼角紅腫,兒子報警.但老李對警察話,係自己唔小心撞到.其任職餐館,開工遲放工晚.但要一早起床,為妻兒煮早餐,然後做妥家務洗衣清潔等,再去返工.假日多見其妻偕友飲茶,從未見過老李一次有份.幾次見佢在麥記買一杯咖啡,從紙袋中拿出件方包沾軟來食.原來佢每月只得五元,其餘全部上繳.其妻話,你返餐館有得食,買張巴士月票就得,要咁多錢做乜?其親兄長過世,連香資都冇錢做.
吾友某君,單身時是麻雀腳.自從回穗娶得蠻妻,就絕跡竹戰枱.有次可能係忍唔住來電相約.那日駕車去接佢,久久唔見佢出來.敲門其妻開門,見佢垂頭喪氣呆坐.忙問佢行得未?只見佢突然高聲對其妻話,我依家好惡咁鬧你!其妻反應聲調更高,我睇下你點惡?!你有本事出咗去就唔好返來!見此情況馬上回身便走,在車上另外二人問點呀?答,如果你鬧人,使唔使話明係好惡咁鬧人呀?以後在街上偶遇,從眼神同聲音,可以知道佢的處境.
以上三人如今仍是營營役役搵兩餐,唔覺得佢發咗達.有個重係未見佢開過一架似樣的車,或者佢係禾稈冚珍珠,自己眼拙啦.個人發覺所認識的人,惧內佔多數,只是不同程度而己,但因此發達的人好似唔多覺,唔通檀香山的水土係出咁樣的人?
如今電腦差不多每個家庭都有,佔了人生活一部分.有人恨買一部恨到發燒,但老婆大人話,買乜鬼?每月上網幾十蚊.始終仍是無腦之人.


千兄:
個人理解,婉拒別人香煙而講少食的人,多是唔食煙的人.並唔係----「少食」並非代表不吸食,只是不完全吸食吧。
唔知有冇理解錯誤?

修正或刪除

Re: 怕老婆會發達 ( No.2 )
日期:2013/06/04 14:44
留言者:老樹

(大笑) (大笑) (大笑)

婉拒別人香煙而講「少食」,這「少食」等同「我不吸煙」。

老樹

修正或刪除

Page: [1] < 回上一頁

主題 排列前端
姓名
你的電郵地址
你的網址
現在心情 *心情圖片預覽表 ( 如選擇 "自定心情",請於下一行輸入該圖片網址 )
自定心情圖片網址 :
留言密碼 (刪除或修改留言使用)
內容 (歡笑) (微笑) (大哭) (表情4) (大笑) (表情6) (表情7) (好!) (拍掌) (沉思) (表情11) (表情12) (表情13) (表情14) (表情15) (表情16) (表情17) (表情18) (表情19) (表情20) (表情21) (表情22) (表情23) (表情24) (表情25) (表情26) (表情27) (表情28) (表情29) (表情30) (表情31) (表情32) (表情33) (表情34) (表情35) (表情36) (表情37) (表情38) (表情39) (表情40) (表情41) (表情42) (喜悅) (滿意) (忍笑) (狂笑) (冷酷) (淺笑) (迷茫) (憂愁) (自傲) (驚訝) (大喊) (哭泣) (憤怒) (困惑) (蠱惑) (閉嘴)

   Cookie 保存


- 阿立粵曲天地 -

聲明
阿立粵曲天地(以下稱本網)所有留言區是以即時上載留言的方式運作,本網對所有留言的真實性、完整性及立場,不負任何法律責任。而一切留言之言論只代表留言者個人意見,並非本網之立場,讀者不應信賴內容,並應自行判斷內容之真實性,讀者若因信賴留言而招致任何損失,本網概不負責。 由於所有留言區受到「即時上載留言」運作方式所規限,故不能完全監察所有留言,若讀者發現有留言出現問題或涉及任何侵權行為,請聯絡本網。本網有權刪除任何留言及拒絕任何人士上載留言,同時亦有不刪除留言的權利。切勿撰寫粗言穢語、誹謗、渲染色情暴力或人身攻擊的言論,亦不可上載任何侵權文章,照片,曲詞,錄音及影片,敬請自律。