投稿一覽 > 討論內容
保險與傳銷
日期:2012/06/26 10:59
留言者:Hawaiian

一名小朋友來電話,畢業很長時間了,今日找到工作,故請飲茶,囑Hawaiian夫婦要一齊到.按時到達寒喧了一陣,詢問佢找到什麼工作?小朋友拿出一叠資料,告知是做保險經紀,隨即大力向Hawaiian推銷各種保險.告訴佢認為要買的保險都早己買了,小朋友鼓如簧之舌,又人壽又long term care.講起人壽保險Hawaiian一肚火,三十幾年前,一位朋友剛做保險經紀,人情難卻兩夫婦各買了一份人壽保險.話明供到某個年份就不用供,到百年歸老後自有一筆款項打理後事.以後每三幾年,佢來告知替我們轉另一間公司,福利會更好.如是者轉了三四次,因為太信任其人,所以簽個名算數.直到前三年計劃退休了,把所有的保險文件找個保險業的人一看,原來份保險早己轉了集體group保險,再供幾年就失效,死了亦冇得賠.即係白白供了三十幾年,那條友早己失了踪.所以從此不相信保險經紀,事前天花龍鳳,有事冇半點用.講到long term care保險,係將來住老人院用的,所賠上限是廿四萬.現在一間普普通通的老人院,四個人住一個大房這類型,費用是每月九千七百多,將來還會加.算起來賠款只能夠支付兩年,如果兩年後唔死點辦?小朋友答不上.而且以Hawaiian的年紀投保,每月大約四百元左右,非領取微薄退休金的Hawaiian能負擔.最後對小朋友話:”呢餐係uncle請你.”講了幾句勉勵說話就離去.佢讀完大學兩三年,始終找不到一份正職.做保險呢行,一定是首先向親友埋手,最後搞到人人敬而遠之.
另一令人敬畏的是傳銷人員,同門一師兄,以前大家有空摸杯底時有說不完的話題.自從四五年前佢加入了傳銷,除了不停向人銷售產品外,又不停引誘人做佢的下層”做腳”.與其交談,第三四句就介紹佢的產品,令人不勝其煩.如果你稍為談及一些小病小痛,佢馬上介紹食佢的產品.居然講到醫生醫不到的症佢都有辦法咁話,竟然話可改DNA.有次經不起佢的疲勞央求,用九十多元買了一樽什麼勞什子維他命,不過對佢話:”呢樽嘢唔會食,原封不動等到你搵第二買家,會送回被你.”佢曾大吹大擂話無需經驗學歷,甚至不會駕車的人都月入數千.Hawaiian對佢講,”如果咁易還有人打工?你幾曾見過一些實用或者名牌物品要傳銷?你想做其代理都唔容易.”這些年來人人同佢疏遠,一見來電顯示一定唔聽,傳銷令佢變了另一個人.

修正或封鎖

Page: [1] < 回上一頁

Re: 保險與傳銷 ( No.1 )
日期:2012/06/26 16:26
留言者:麥友成

有錢人不用買保險,窮人買不起保險!是買保險還是買危險?

修正或刪除

Re: 保險與傳銷 ( No.2 )
日期:2012/06/27 10:22
留言者:Hawaiian

在美國,有錢佬用不用買保險唔清楚.窮人就唔使買,有政府包艇.那些長期食救濟的一群,所有保險都係政府包.醫療啦,汽車保險啦,按理窮到乜都要政府包養,擁有汽車算唔算奢侈呢?但佢話係人權喎,保險就政府出錢買.所苦的是夾心階層,其實係為保險公司打工,醫療和汽車保險係最基本要買的,如有房屋的更少不了.夏威夷有些好混賬的法律,你家後園有果樹,有人進入偷果實而受傷,你要賠償.汽車保險除了買自己犯錯,更要買埋冇買保險而犯錯撞到你的對方那份.醫療保險很要命,家庭保險每月八百幾九百,單身一人三百幾.好多人吞聲忍氣打份工,其中原因是公司替自己出一部分保費.如無保險,真是病不起.醫生會劏人,普通頭暈身熱睇一次約三百元,張單開到保險公司,保險公司話唔得,只能收百二.即使如此病人也要付二成,如無保險要付足三百.有人前年入院割盲腸,住了兩晚醫院,己是六千多.另加醫生藥物等,共近萬元.好多項保險全包,病人只付三百多便可,如無保險,點算?現在的保險可以說是氾濫,小孩讀私校要買,怕你冇錢交學費.買件家電或傢俬會叫買保險.有次買部電視七百元,售貨員做好一張單,話買保險就簽啦,三年保費三百多.問個鬼佬有乜着數?佢話如壞了可免費修理,包括零件,單塊電路版要過千元咁話.問佢如果係你會唔會買呢?佢話會,因為壞了要成千銀.又問佢,你估我會唔會學你咁傻,花成千銀去修理一部七百元的電視呢?三年後用三百元可能買到同樣的電視啦.
一向對保險佬無甚好感,程咬金三度板斧.第一搬一大堆數據嚇你,第二開一個海市蜃樓的前景引誘你,第三有事時就諸多理由推趟.收錢就快,過一秒鐘都唔保你,賠錢時考你有幾長命.

修正或刪除

Re: 保險與傳銷 ( No.3 )
日期:2012/06/27 03:15
留言者:小李

絕對正確!!! (拍掌) (拍掌) (拍掌)

修正或刪除

Re: 保險與傳銷 ( No.4 )
日期:2012/06/27 06:04
留言者:james

美国的医疗保险,肯定是很贵。很穷的有 白卡(medi-aid).
65 岁以上的,有 medicare. 有作工的,大多有公司保险。
没有保险的,是小公司雇员(餐馆,。。。)或失业的人。
美国保险业,算公平,有买,有赔。总比在香港,为了
入厂,卖掉房子。台湾有全保之前,跟香港一样。但台湾
这全保模式,我看不可以维持多久。英国,跟加拿大的公保,
又是另一议题,容日后再谈。

修正或刪除

Re: 保險與傳銷 ( No.5 )
日期:2012/06/29 01:15
留言者:Hawaiian

“醫者父母心”這句說話現在還有幾多機會用得着呢?好多醫生病人都未行走出房己叫助手卜定下次了.大佬!唔係有乜事,使唔使不停咁來呀?美其名是照顧住你.除了付差額外,還要時間又要請假.九成的醫生都係同一般人的工作時間一樣,曾問過一個醫生,點解唔學香港一些醫生咁,每星期一兩日延長診症到夜間呢?方便下返工啲人.答,佢病梗會來睇架啦,健康緊要還係金錢緊要?Hawaiian幾乎講粗口.曾問過一個讀醫的人,點解讀醫呢?答,話職業高尚搵錢易.懸壺濟世?哈哈!!歸根究底又係保險的禍,聞說醫生的保險費唔係少嘢.各行各業都可以執笠,最近此地有間歷史很長的醫院也執了,只有保險公司越來越肥.

修正或刪除

Page: [1] < 回上一頁

主題 排列前端
姓名
你的電郵地址
你的網址
現在心情 *心情圖片預覽表 ( 如選擇 "自定心情",請於下一行輸入該圖片網址 )
自定心情圖片網址 :
留言密碼 (刪除或修改留言使用)
內容 (歡笑) (微笑) (大哭) (表情4) (大笑) (表情6) (表情7) (好!) (拍掌) (沉思) (表情11) (表情12) (表情13) (表情14) (表情15) (表情16) (表情17) (表情18) (表情19) (表情20) (表情21) (表情22) (表情23) (表情24) (表情25) (表情26) (表情27) (表情28) (表情29) (表情30) (表情31) (表情32) (表情33) (表情34) (表情35) (表情36) (表情37) (表情38) (表情39) (表情40) (表情41) (表情42) (喜悅) (滿意) (忍笑) (狂笑) (冷酷) (淺笑) (迷茫) (憂愁) (自傲) (驚訝) (大喊) (哭泣) (憤怒) (困惑) (蠱惑) (閉嘴)

   Cookie 保存


- 阿立粵曲天地 -

聲明
阿立粵曲天地(以下稱本網)所有留言區是以即時上載留言的方式運作,本網對所有留言的真實性、完整性及立場,不負任何法律責任。而一切留言之言論只代表留言者個人意見,並非本網之立場,讀者不應信賴內容,並應自行判斷內容之真實性,讀者若因信賴留言而招致任何損失,本網概不負責。 由於所有留言區受到「即時上載留言」運作方式所規限,故不能完全監察所有留言,若讀者發現有留言出現問題或涉及任何侵權行為,請聯絡本網。本網有權刪除任何留言及拒絕任何人士上載留言,同時亦有不刪除留言的權利。切勿撰寫粗言穢語、誹謗、渲染色情暴力或人身攻擊的言論,亦不可上載任何侵權文章,照片,曲詞,錄音及影片,敬請自律。